“مش محتاجة ريتش علشان أبقى مشهورة”.. فرح شعبان ترد على منتقديها حول طلاقها بسبب التريند – مصر نيوز

ردّت الإعلامية فرح شعبان على أقاويل البعض التي انتشرت عبر السوشيال ميديا بأنها تتاجر بحياتها الشخصية بعد عودتها إلى علي غزلان للمرة الثالثة ثم طلاقهما، مؤكدة أن ذلك من طبيعة حياة المشاهير، معلقة: “أنا مش محتاجة ريتش علشان أبقى مشهورة”.

وتابعت فرح شعبان حديثها خلال مداخلة تلفزيونية في برنامج تفاصيل مع الإعلامية نهال طايل عبر قناة صدى البلد 2، قائلة: “ربنا يهون عليّ الأيام دي وتعدي على خير، والحمد لله أهلي بيدعموني وواقفين جنبي، وناس كتير قالت لنا بلاش تاخدوا الخطوة دي، لكن للأسف ما قدرناش نكمل مع بعض، ولما حصلت خلافات قررنا نطلع على طول بدون أي تفكير”.

وطالبت فرح شعبان محبيها بضرورة الدعاء لها خلال الفترة الحالية، كونها تمر بموقف صعب، قائلة: “ادعوا لنا بالخير، وربنا يهون عليّ الأيام وتمر على خير، وربنا معايا ومش هيسيبني أبدًا”.