«أخيرا دخلت بيتي»..مريم سعيد صالح تعلن مغادرتها للمستشفى بعد تعافيها – مصر نيوز

أعلنت الفنانة مريم سعيد صالح خروجها من المستشفى، والعودة إلى منزلها بعد أسبوعين من تلقي العلاج.

وكتب مريم سعيد صالح عبر صفحتها بموقع “فيسبوك”: “اخيرا دخلت بيتي زي ماخرجت منه بالاسعاف من يوم 22/12 رجعت أمس مساء 1/8 لسه الحركة بحساب ومحاذير، واكبر جرح في حياتي، ربنا يتمم الشفاء يكملها بالستر والصحة، قضيت فترة كبيرة في المستشفى ، فترة مراجعات وحسابات، فترة بيني وبين ربنا”.

 أيام من العجز التام عن الحركة

وأضافت: “كنت محتاجة اوي راحة من كل اللي حواليا كل الاشياء الزائلة، اتأكدت من وجود الله كل لحظة ورعايته
وقع الابتلاء بين لطف الله ورجائي وجبره، أيام من العجز التام عن الحركة، الإحتياج لكل اللي حواليك في كل حاجة، ودة تأديب للنفس علشان ماحدش يفتكر نفسه قادر علي كل حاجة ومش محتاج حد”.

إعادة تقدير وتثمين لكل العناصر 

وتابعت: “إعادة تقدير وتثمين لكل العناصر اللي في محيطك، لكل عرق وعضمة ونقطة دم ونفس وإخراج بسهولة وبلا آلم حاجات تبدو عادية لكن لو راحت واحدة منهم هتعرف قيمتها المجانية، التأكيد علي وجوب الثقة والتسليم للطيف الرحيم لما تعجز انت واختياراتك واللي حواليك”.

كنت واثق في جبره ومستقوي بيه

وإختتمت: “لحظة بتعرف إن أنت دلوقت عاجز ذليل …عبد الرحمن الرحيم اللطيف الجابر، تفهم أنه وحده اللي تلجأ إليه، وكل ما كنت واثق في جبره ومستقوي بيه كل مارد عليك وقال لك أنا عند ظنك بي، هو اللطيف الجابر الودود الفتاح 
هو الله الواحد الأحد الفرد الصمد الذي يقول للشيء كن فيكون”.

أخر أعمال مريم سعيد صالح 

جدير بالذكر أن أخر أعمال مريم سعيد صالح تتمثل في مشاركتها  في مسلسل “بنون” بطولة هاني عادل، والذي سبق عرضه في يوليو 2024.